Չի կարելի ծաղկեփնջի մեջ ներառել սուր հոտով ծաղիկներ, ինչպես նաև ծաղկեփունջը չպետք է լինի խիստ ծանր, քանզի հարսը այն պետք է բռնի գրեթե ողջ օրվա ընթացքում: Ծաղիկների ընտրության ժամանակ մեծ նշանակություն է տրվում հարսի տարիքին: Հասուն կնոջը ավելի հարմար են վառ գույները, էկզոտիկ ծաղիկները և ավանգարդ ձևերը: Երիտասարդ հարսիկին կարելի է առաջարկել նուրբ և մեղմ գույներով ծաղիկներ, որոնք կընդգծեն նրա անմեղությունը և համապատասխան կլինեն հարսի կոկոն գեղեցկությանը: Թերթիկները նոր բացող ծաղիկ հիշեցնող գեղաշուք հարսի ձեռքերում աննման կդիտվեն նոր բացվող, դաշտային և անտառային ծաղիկների նրբաճաշակ համադրությունը: Նման ծաղկեփնջի բնական լինելը կընդգծի նրա նուրբ գեղեցկությունը: Հարսանեկան ծաղկեփնջին հատուկ իմաստ կարող է հաղորդել ծաղիկների նշանակության իմացությունը: Այն կարող է բացահայտել նվիրվող ծաղկեփնջի գաղտնի նշանակությունը:
Վարդ - կարմիր` սեր, ես քեզ սիրում եմ, կիրք, մուգ կարմիր` սուգ, վարդագույն` գերագույն երջանկություն, սպիտակ` մաքրություն, անմեղություն, թեյի` ես միշտ հիշում եմ, սպիտակ չորացած` ավելի լավ է մահ, քան անամոթություն, դեղին` խանդ, զգացմունքները պահպանելու փորձ:
