Apple ընկերությունը կներկայացնի երրորդ սերնդի iPad-ը մարտ ամսին, հաղորդում է AppleInsider-ը՝ հղում անելով ճապոնական Macotakara բլոգին:
Նշենք, որ Apple-ը փետրվարին մամուլի ասուլիս է անցկացնելու, որի թեման դեռևս հայտնի չէ:
Ոչ պաշտոնական տվյալներով՝ iPad-ի նոր տարբերակը կունենա 2048x1536 կետայնությամբ էկրան, ավելի դիմացկում մարտկոց, որի պատճառով կարող է ավելի հաստ լինել, քան iPad 2-ը:
Սպասվում է, որ նոր iPad-ը համալրված կլինի քառամիջուկ պրոցեսորով: Bloomberg-ը գրում է, որ սարքը կաշխատի նաև LTE ցանցերում, ինչը կապահովի տվյալների ավելի արագ փոխանցում, քան 3G ցանցերում է: